لشعر ناعم تقيل وتطويل
1- شامبو بروتي كير و دة شامبو طبي و خفيف على الشعر و مفيش منه أي ضرر و إبعدوا تماما عن شامبوهات شركات التجميل لإنها بتوهمك إن شعرك حلو بس هي في الحقيقة بتضعف الشعر ( معرفش تمنه علشان بابا اللي بيجبهولي )
2- بلسم جونسون و دة مضمون لإنه طبي و للأطفال يعني خفيف لإن البلسم و حمام الكريم بيوقع الشعر فعلشان كدة لازم يكون خفيف و دة كمان معرفش تمنه علشان بابا اللي بيجبهولي و حتلاقوه في أي صيدلية
3- كريم لتصفيف الشعر ( هاتي أي كريم بتكوني بترتاحيله و لازم تجربي بنفسك لإن طبيعة كل شعر بيختلف عن التاني ) أنا بحب كريم سوفت هير و هو تحفة في شعري بجد و بردو معرفش تمنه علشان بابا اللي بيجبهولي
4- زيت الخردل ماركة الكابتن بتجبيه من فتح الله و بعض العطارين بيبيعوه و ممكن في الصيدليات و دي تمنها 4ج
5- إكليل الجبل (حصى لبان ) و دة بتجبيه من عند فتح الله علشان يكون نضيف بلاش من عند العطار ( أنا جبت حبة كتار أوي ب 5ج و ممكن تجيبي حبة ب 2ج بس ) و بتطحنيه
6- بخاخة و يا ريت تكون بتاعة تركيب البرفانات و إبعدي تماما عن البلاستك
7- بتطحني حصى اللبان و تاخدي منه ملعقة و تنقعيها في كوباية ماية مغلية طول الليل و بعد كدة تصفيه في البخاخة
إزاي بقى نستخد كل الحاجات دي
أول حاجة بتعمليها إنك قبل ما تنامي تدهني شعرك و فروة راسك كويس بزيت الخردل و ركزي على فروة راسك و تقومي الصبح تغسلي شعرك بالشامبو و بعدين بالبلسم و البلسم بيتحط على الشعر إوعي تجبيه على الجذور لإن زي ما قولنا فوق إنه بيوقع الشعر و بعد كدة تنشفي شعرك كويس و لما يبقى مندي مش مبلول تدهنيه بالكريم و تسرحيه و تلفيه كحكة و بتكرروا الموضوع دة 4 مرات بالإسبوع
بالنسبة بقى للبخاخة اللي جواها الخردل دي بتستعمليها زي اللوسيون بالظبط يعني بترشي على فروة راسك بس و تدلكي كويس مرتين في اليوم أول ما تصحي و قبل متنامي
و ياريت متعمليش شعرك دوامة لإنها بتجهد الشعر
ملخص اللي قولته فوق
بتحطي زيت الخردل 4 مرات بالإسبوع
بتحطي منقوع إكليل الجبل كل يوم مرتين على فروة راسك و تدلكي كويس
و أقسم بالله إن شعرك شكله حيتغير تماما
ليست هناك تعليقات:
إرسال تعليق