اسهل واجمل واشهى تشوكلت فادج كيك يالا لو عندك دقيق وبيض قومى بسرعه جهزى الفادج لاسرتك
تشوكلت فادج من الشيف ايمن العطار
المكونات
400 جرام دقيق
نصف كيلو سكر
100 جرام كاكاو خام
7 بيضات
1 كيس بيكنج بودر
1 كيس فانيليا
1 كوب ماء فاتر يعنى مش يكون ساخن ولا بارد
1 كوب زيت زره
الطريقه
فى الماكينه هنضيف السكر مع البيض ونضرب كويس جدا بعد كده هنضيف الزيت مع الضرب على نفس السرعه بعد كده هنضيف الدقيق مع البيكنج بودر والكاكاو ونكون مهديين الماكينه يعنى الضرب هيكون على الهادى بعد كده هنضيف الفانيليا والماء الفاتر ونرفع الماكينه ونجهز اطواق الكيك او الصينيه ونصب الخليط فيها وندخلها الفرن على درجه حراره 180 لمده 30 دقيقه
ممكن نعمل معاها صوص شيكولاته جناش وده طريقته سهله جدا
ومكوناته
ربع كيلو زبده صفرا
نصف كيلو لبن حليب
باكو فانيليا
150 جرام شيكولاته
هنحط اللبن مع الزبده فى حله على النار ونضيف عليهم الفانيليا والشيكولاته اول مالزبده تسيح بعد كده هنرفعهم من على النار نحطهم على حمام ماء ساخن لحد الصوص كله مايتجانس مع بعضه
وده هنجمل بيه التشوكلت فادج بعد ماتبرد وبالهنا والشفا الشيف ايمن
ليست هناك تعليقات:
إرسال تعليق