الكيش من الشيف ايمن العطار

لو عندك دقيق وبيض بسرعه جهزى احلى واجمل كيش للعشاء وللفطار كمان ومساء الفل عليكى

الكيش من الشيف ايمن العطار
المكونات
عجينه الكيش
ربع كيلو دقيق – 2 معلقه زبده – معلقه صغيره ملح – معلقه صغيره سكر – نصف معلقه صغيره خميره فوريه- ماء للعجن
... هنعجن الكيش عادى جدا زى اى عجينه بنعجنها زى البيتزا وهنسيبها متغطيه بعد العجن لمده نصف ساعه ونجهز باقى مكونات الكيش والنهارده مش هنتقيد بمكونات للكيش يعنى ممكن تعمليه بالخضار اللى موجود عندك فى الثلاجه
زى الفلفل الالوان او البسله او البصل او لو موجود تونه او سلامى اى مكونات تحبي تضيفيها للكيش
الاهم هنا هو انك تعملى الابراى اللى بيمسك الكيش اللى هو عباره عن
2 بيضه عليهم ربع كيلو لبن وملح وفلفل اسود وبقدونس مفروم وجوز الطيب مبشوره وبنضربهم كلهم مع بعض
وبعدين بفرد عجينه الكيش فى صينيه مدهونه زيت بعد كده بخرم العجينه المفروده فى الصينيه بشوكه
وزى متفقنا الكيش انتى ممكن تعمليه باى حاجه موجوده عندك
انا النهارده هقول لكم كيش الخضار
هجيب فلفل متقطع جوليان او شرائح وبصل متقطع شرائح وفص ثوم مفروم
وفى طاسه على النار هحط شويه زيت وبعد كده هحط البصل واخده سوتيه وقبل مالونه يغير معايا هحط الثوم والفلفل
واتبلهم بشويه زعتر وبعد كده احطهم فى الابراى اللى هو بيض ولبن وفلفل اسود وبقدونس مفروم واقلبهم بالمضرب السلك كويس
وبعد كده بضيفهم على الكيش وبوزع الابراى بالخضار ده على كل الصينيه وبدخلها الفرن لمده 20 دقيقه على درجه 170
لحد ما الابراى يمسك فى الخضار ووش الصينيه يحمر بعد كده بخرجه من الصينيه وبقطعه وبقدمه سخن وبالهنا والشفا الشيف ايمن العطار